ကျောင်း၏အချက်အလက်

ကွန်ပျူတာတက္ကသိုလ် ( မန္တလေး )

၁။ တည်နေရာ

ကွန်ပျူတာတက္ကသိုလ် ( မန္တလေး ) သည် မန္တလေးတိုင်းဒေသကြီး၊ ကျောက်ဆည်ခရိုင် စဉ့်ကိုင်မြို့နယ် တအုံကျေးရွာ အနီးတွင်တည်ရှိပါသည်။ ရန်ကုန်-မန္တလေး အဝေးပြေးလမ်းမကြီးမှ (၂)မိုင်(၆)ဖာလုံ ကွာဝေးပါသည်။ စုစုပေါင်း ဧရိယာအကျယ်အဝန်းမှာ (၁၃၈.၀၇)ဧက ရှိပါသည်။

၂။ ဖွဲ့စည်းတည်ထောင်ခဲ့သည့် ခုနှစ် နှင့် သမိုင်းကြောင်း

ကွန်ပျူတာတက္ကသိုလ် ( မန္တလေး ) ၂၀၀၂ ခုနှစ်၊ ဖေဖော်ရီလ(၁)ရက်နေ့တွင် စတင်ဖွင့်လှစ်ခဲ့ပါသည်။ အဆောက်အဦးအမျိုးအစားမှာ သံကွန်ကရစ်(၃)ထပ် အဆောက်အဦးဖြစ်ပြီး၊ (၇.၇.၂၀၀၃) တွင် ကွန်ကရစ်လောင်းခြင်းလုပ်ငန်း စတင်ခဲ့ပါသည်။ အဆောက်အဦးမှာ အလျား (၅၆၉) ပေ၊ အနံ (၃၁၃) ပေရှိပြီး၊ ကြမ်းခင်းဧရိယာ စုစုပေါင်းမှာ (၁၄၄၅၆၇) စတုရန်းပေရှိသော U ပုံစံအဆောက်အဦး ဖြစ်ပါသည်။ တစ်ထပ်လျှင် (၁၄) ပေ အမြင့်ရှိပြီး၊ စုစုပေါင်းအမြင့်မှာ (၅၆)ပေ (၆)လက်မ ရှိပါသည်။ ၎င်းအဆောက်အဦးတွင် ပေ(၄၀x၃၀) ရှိသော အခန်းပေါင်း(၄၈)ခန်း ပါရှိပါသည်။

ကွန်ပျူတာတက္ကသိုလ် ( မန္တလေး ) ပင်မဆောင် တည်ဆောက်ရေး စီမံကိန်းအား နိုင်ငံတော် အကြီးအကဲများ၏ လမ်းညွှန်ချက်အရ ၂၀၀၃ ခုနှစ်၊ မေလမှစ၍ မြေနေရာရှင်းလင်းခြင်း၊ ပစ္စည်းစုဆောင်းခြင်းများ စတင်ပြုလုပ်ခဲ့ပါသည်။ (၂၇.၆.၂၀၀၃)ရက်နေ့တွင် ပန္နက်တင် မင်္ဂလာပြုလုပ်ခဲ့ပြီး (၁.၇.၂၀၀၃)ရက်နေ့တွင် စက်အင်အား၊ လူအင်အားတို့ဖြင့် မြေတူးခြင်းလုပ်ငန်းများကို စတင်ခဲ့ပြီး နောင်တုံဆောက်လုပ်ရေးကုမ္ပဏီမှ တာဝန်ယူတည်ဆောက်ခဲ့ပါသည်။ ပြည်ထောင်စု မြန်မာနိုင်ငံတော်၊ နိုင်ငံတော်အေးချမ်းသာယာရေး နှင့် ဖွံ့ဖြိုးရေးကောင်စီ ဥက္ကဌရုံး၏ ၂၀၀၇ ခုနှစ်၊ ဇန်နဝါရီလ(၁၉)ရက် နေ့စွဲပါစာအမှတ်၊ ၀၁/နယက(ဥ)/စဝ-၁ အရ၊ အစိုးရကွန်ပျူတာကောလိပ် မှ ကွန်ပျူတာတက္ကသိုလ် ( မန္တလေး ) အဆင့်သို့ ၂၀၀၇ ခုနှစ်၊ ဇန်နဝါရီလ(၂၀)ရက်နေ့မှ စတင်တိုးမြှင့်လိုက်ပြီဖြစ်ပါသည်။

၃။ လက်ရှိတာဝန်ထမ်းဆောင်နေသောပါမောက္ခချုပ်

U Kyaw Zwa Soe - Rector

2016 Year – Current
Rector Name – U Kyaw Zwa Soe

၄။ အစဉ်အဆက်တာဝန်ထမ်းဆောင်ခဲ့သော ကျောင်းအုပ်ကြီးများ၏အမည်စာရင်း

၂၀၀၁ခုနှစ်                      ဒေါ်သန်းနွဲ့အောင်              ကထိက(တာဝန်ခံကျောင်းအုပ်)

၂၀၀၂ခုနှစ်                      ဒေါ်မြသီတာကျော်             ကထိက(တာဝန်ခံကျောင်းအုပ်)

၂၀၀၄ခုနှစ်                      ဒေါ်မြသက်စော                ကထိက(တာဝန်ခံကျောင်းအုပ်)

၂၀၀၄ခုနှစ်                      ဒေါက်တာသန္တာသိန်း         (ခေတ္တကျောင်းအုပ်ကြီး)

၂၀၀၇ခုနှစ်                      ဒေါက်တာသန်းနိုင်စိုး          (ခေတ္တကျောင်းအုပ်ကြီး)

၂၀၀၈ခုနှစ်                      ဒေါက်တာဝင်းအေး            ပါမောက္ခချုပ်(တာဝန်)